8. KOKAINA

Kokaina droga psikoestimulatzailea da. Hauts zuri finaren itxura du, mikrokristalez eratua. Aldez aurretik lehortzen utzitako koka hostoen elaborazioaren emaitza da. Gehienetan arnastu egiten da (koka arraia “esnifatu” egiten da; batzuetan, bena barnetik injektatu edo erre egiten da).
Trafikatzaileek koka adulteratu egiten dute sarritan, beste substantzia batzuekin nahasten dute. Horrek arriskuak handitzen ditu eta konposizioa ezagutzen ez zaien produktuen ondorioak eta elkarrekintzak indartzen ditu.